Очајна да ги прекине трачовите, Клои Кардашијан одговорила на шпекулациите дека е во врска со својот поранешен зет, Скот Дисик
Третото дете од најпознатото семејство во поп-културата ги коментираше гласините за наводната врска со Скот Дисик, со кого нејзината најстара сестра, Кортни Кардашијан Баркер, поранешна свршеница на Дисик, има три деца. Клои Кардашијан зборуваше за ова во неодамнешната епизода од својот подкаст „Khloé In Wonder Land“.
Изразувајќи шок и збунетост од тоа како се прошириле гласините за нивната наводна романса, таа изјави:
„Боже мој, таа приказна за Скот… Всушност, му ја испратив на Скот и го прашав: ’Дали знаеше дека луѓето мислат дека сме заедно?’“
„А тој ми одговори: ’Зошто? Од каде им е тоа?’“
Гласините веројатно започнале како шега меѓу нив двајца
Иако Клои тврди: „Немам поим од каде произлезе тоа. Сè што прикажаа се стари работи“, сепак, гласините не стивнуваат.
Шпекулациите можеби потекнуваат од сцената во најновата сезона на реалното шоу „The Kardashians“, во која таа на шега разговара со Дисик за можноста да добијат дете.
Сепак, реалити-ѕвездата и водителка на подкастот брзо ги демантираше овие тврдења, нагласувајќи:
„Очигледно, тоа е резултат на монтажа. Не, ние не сме пар. Како прво, тој е татко на моите две внуки и внукот.“
Поврзани објави
Клои, која има две деца, потоа се пошегува дека, доколку гласините беа вистинити, Дисик би им станал и очув и вујко на нејзините деца што ги има со поранешниот партнер, Тристан Томпсон.
Иако семејството Кардашијан е добро запознаено со концептот на пошироки, односно споени семејства, забавувањето со поранешните партнери на сопствените сестри сепак е неприфатливо. Таквата врска би била премногу блиска, па дури и непријатна.
Објаснувајќи зошто следниот партнер ќе го бара „на друга страна“, Клои изјави:
„Сигурна сум дека вакви работи им се случувале на луѓето низ историјата, но тоа нема да се случи во нашето семејство. Освен тоа, тој ми е како брат. Како вистински, роден брат. Тоа би било чудно.“
Во истата епизода од подкастот, објавена на 22 октомври, Клои се осврна и на својот веќе добро познат четиригодишен период на целибат, како и на наметливите реакции од јавноста. Имено, луѓето постојано ја прашуваат кога повторно ќе има сексуални односи.
Во подкастот „Khloé In Wonder Land“ таа изјави:
„Сметам дека е многу навредливо кога луѓето ме прашуваат дали сум имала секс. Воопшто не ми е јасно како некој може да помисли дека има право да располага со таква информација.“
За жал, Клои веќе се навикнала на гласините за својот љубовен живот, како и на постојаните прашања за нејзината интимност. За разлика од нејзините сестри, чии врски со познати мажи редовно ги полнат насловните страници, таа нема партнер уште од 2021 година.
ФОТО: ИНСТАГРАМ
