Познатата ријалити ѕвезда и претприемачка има четири деца, а откри и како е организирана помошта во нивното секојдневие и каков родителски пристап има.
Ким Кардашијан за своите четири деца има дури пет дадилки кои работат во смени. Ријалити ѕвездата и претприемачка со поранешниот сопруг Канје Вест ги има 13-годишната Норт, 10-годишниот Сејнт, осумгодишната Чикаго и седумгодишниот Псалм. Во разговор за „The Sunday Times“ таа открила детали за помошта што ја има при грижата и воспитувањето на децата.
Според информациите, една дадилка секогаш е на должност, додека останатите четири се менуваат во смени. Сепак, Кардашијан нагласила дека и покрај големата помош, таа лично ги носи децата на училиште и ги зема по часовите. Таа исто така истакнала дека секоја вечер заедно вечераат.
Поврзани објави
Кардашијан се опишала себеси како „умерено строг родител“, но вели дека е исклучително трпелива и полна со љубов. На децата им дозволува да спијат во нејзиниот кревет кога сакаат, а секоја вечер им чита книги. Таа открила и дека со нив отворено разговара за нивниот привилегиран живот и за важноста на трудот и благодарноста.
Познатата мајка им објаснува на своите деца дека ништо не треба да земаат здраво за готово и се обидува да им даде личен пример. Отворено зборува со нив за својата работа и напорот што го вложува во студирањето право, на што, како што вели, тие се горди. Според неа, можно е да се живее луксузно, а сепак да се остане приземјен, иако тоа е значително поголем предизвик.
