Принцот Хари разговарал со пријатели и членови на семејството на Дијана за можен проект во пресрет на 30-годишнината од нејзината смрт, но засега нема официјална потврда.
Принцот Хари наводно разговара со луѓе кои биле блиски со неговата покојна мајка, принцезата Дијана, додека размислува како да ја одбележи 30-годишнината од нејзината смрт во 2027 година. Според „Пипл“, меѓу луѓето со кои стапил во контакт е и нејзиниот брат Чарлс Спенсер, а една од можностите е создавање нов документарец за животот и наследството на Дијана.
Хари со години отворено зборува за влијанието што смртта на мајка му го имала врз него. Во мемоарите „Резерва“ од 2023 година детално се осврна на погребот и на моментот кога ковчегот на Дијана бил спуштан во нејзиното почивалиште на имотот Алторп. Тој тогаш пишуваше и за болката што ја чувствувал и за потребата да го зачува споменот на мајка си.
Принцот во една прилика истакна дека се надева оти со своите постапки ја прави Дијана горда. Тој зборувал и за нејзината посветеност кон луѓето и за влијанието што го имала врз него во 12-те години што ги поминал со неа. Токму сведоштвата на луѓето кои ја познавале би можеле да бидат дел од евентуалниот нов проект.
Хари и принцот Вилијам веќе еднаш заедно го раскажаа својот спомен за мајка им во документарецот „Diana, Our Mother: Her Life and Legacy“, објавен во 2017 година по повод 20-годишнината од нејзината смрт. Сепак, нивните односи оттогаш се влошија. Доколку новиот проект на Хари биде реализиран, можно е да биде поврзан со „Archewell Productions“ и „Netflix“, но засега нема официјална потврда дека документарецот е одобрен или дека започнало неговото снимање. Дијана загина на 31 август 1997 година во сообраќајна несреќа во Париз.
Screenshot Википедија
