Тифани Раулерсон сакала да сними видео за пријателите, но наместо тоа успеала да овековечи неверојатна средба со ретка есетра.
Тифани Раулерсон од Флорида доживеала необична средба за време на семејниот излет на реката Сувани. Додека се капела и се обидувала да сними видео, од водата ненадејно скокнала огромна риба. Неколку моменти подоцна сфатила дека станува збор за есетра, а нејзината реакција била спонтана:
Нема шанси, човече“.
Најверојатно се работи за заливска есетра, вид кој е познат во реката Сувани и чија најголема популација на Флорида се наоѓа токму таму. Иако овие риби не се необична појава за локалните жители, моментот бил посебен бидејќи есетрата се појавила директно пред Раулeрсон, а таа успеала да го сними целиот настан.
Видеото го објавила на ТикТок на 8 септември, а досега собрало повеќе од 38 милиони прегледи. Есетрата спаѓа меѓу најстарите видови риби на планетата и постои уште од времето на диносаурусите. Заливската есетра може да достигне должина од околу 2,5 метри и тежина од речиси 90 килограми.
Поврзани објави
@tiffanyraulerson6 Was going to show my friends my aesthetic bathing.. wasn’t alone. #suwanneeriver #sturgeon ♬ sorry i can’t hear you i’m kinda busy – life illustrated
И покрај нивната големина, есетрите не се опасни за луѓето и не ги сметаат за плен. Сепак, поради нивната сила и способност да скокаат од водата, се препорачува да не им се приоѓа и да не се вознемируваат. Снимката предизвика бројни реакции на социјалните мрежи, од воодушевување до сомнеж, но за Раулерсон ова било едноставно неочекуван момент што природата ѝ го приредила.
Screenshot Tik-tok
