Научниците велат дека технологијата ја нарушува семејната поврзаност, но и еден оброк неделно без екрани може да направи разлика.
Ново истражување покажува дека родителите за време на семејните оброци користат мобилни уреди дури и почесто од своите деца. Во студијата објавена во „JAMA Pediatrics“ учествувале повеќе од 350 родители, а над 75 отсто од нив користеле некаков медиум за време на последниот семеен оброк, најчесто паметен телефон.
Во исто време, речиси 70 отсто од децата на возраст од 4 до 10 години користеле некаков уред додека јаделе. Според Сесилија Сада Гарибеј, коавторка на истражувањето, постојаното проверување на телефонот може да ги одземе драгоцените моменти за разговор и поврзување со децата.
Поврзани објави
Експертите потсетуваат дека заедничките оброци можат да придонесат за подобра исхрана, поголема емоционална благосостојба и посилна семејна поврзаност. Проблемот не е нужно во секој вид технологија – заедничкото гледање содржина може да биде семејна активност, но индивидуалното користење телефони и таблети го претвора заедничкиот оброк во одвоени искуства.
Сепак, не е потребно семејството да има совршена вечера секој ден. Експертите советуваат, доколку секојдневните заеднички оброци не се можни, да се започне со еден оброк неделно без телефони, во траење од 20 до 30 минути. И кратки моменти во кои родителите и децата разговараат без одвлекување на вниманието можат да помогнат во градењето поблиска врска.
Фото: Freepik.com
