Мајката на Хејден Панетиер се огласила по смртта на ќерка ѝ, а водителката Гејл Кинг остро ја критикувала нејзината изјава
Дечкото на Хејден Панетиер, Брајан Хикерсон, со кого актерката со години имала бурна и контроверзна врска, првпат се појавил во јавноста по нејзината смрт. Тој своевремено бил уапсен поради насилство врз актерката, а по трагичниот настан повторно се отворија прашања за нивната турбулентна врска, за која многумина сметаа дека оставила длабока трага врз холивудската ѕвезда.
Брајан Хикерсон вчера бил забележан во Гринвил, Јужна Каролина, само три дена по смртта на Хејден Панетиер. Во јавноста се појавил со капа и очила за сонце, а според информациите, моментално престојува во куќата на својата баба.
Тој бил виден во близина на станбениот комплекс во кој се случила трагедијата. Брајан Хикерсон бил со Хејден Панетиер во моментот на нејзината смрт. Според досегашните информации, спиел во соседната соба кога неговиот брат Зак дошол во нивниот стан и ја затекнал актерката без свест.
Зак Хикерсон бил видно вознемирен додека екипите на итната медицинска помош се обидувале да ја реанимираат актерката, а Брајан, според сведоштвата, не покажувал видливи емоции. Тој останал на местото на настанот сè до моментот кога била констатирана нејзината смрт.
Полицијата вчера била пред неговиот дом со цел да ги собере сите информации што би можеле да помогнат во расветлувањето на околностите на трагедијата. Во меѓувреме, истрагата добила нов правец, па надлежните ја разгледуваат и можноста за поврзаност на одредено кривично дело со смртта на Хајден Панетјер.
Прелиминарните резултати од обдукцијата покажале дека нема траги на насилна смрт, додека аудиоснимката од повикот до службите за итна помош упатува на можност дека станува збор за предозирање. Официјалната причина за смртта сè уште не е соопштена, а конечните заклучоци се очекуваат по добивањето на резултатите од токсиколошките анализи.
Зак Хикерсон првпат бил забележан во јавноста по трагичниот настан во вторникот. Делувал потиштено додека одел по храна, а ниту тој ниту неговиот брат Брајан досега не дале јавна изјава за смртта на Хејден Панетиер.
Поврзани објави
Мајката на Хејден проговори за Брајан
Мајката на Хејден Панетиер, Лесли Вогел, по смртта на својата ќерка отворено зборувала за Брајан Хикерсон, тврдејќи дека семејството со години се обидувало да го отстрани од животот на актерката. Нејзините зборови предизвикале бурни реакции, а меѓу оние кои јавно ги критикувале била и водителката Гејл Кинг, која начинот на кој Вогел зборувала за својата почината ќерка го оценила како несоодветен.
Водителката Гејл Кинг остро ја осудила Лесли Вогел поради изјавите што ги дала по смртта на својата ќерка, оценувајќи ги како несоодветни и разочарувачки.
„Го читате сето тоа и единствено што можам да помислам е: ‘Ти благодарам, мамо, за ништо’“, рекла Кинг.
Кинг нагласила дека особено ја растажува тоа што Вогел, непосредно по смртта на својата ќерка, одлучила на јавноста да ѝ остави таква порака, наместо да се фокусира на квалитетите и талентот на Хејден и на она по коешто треба да биде запаметена.
Со неа се согласил и колегата Владимир Дитјерс, кој потсетил дека Хејден со години отворено зборувала за своите проблеми и трауми. Тој го оценил како „недолично“ тоа што нејзината мајка токму сега повторно се осврнала на болните делови од животот на својата ќерка, особено затоа што Хејден веќе не е во можност да одговори на таквите тврдења.
Кинг сугерирала дека Лесли Вогел, која во последно време не била во контакт со својата ќерка, требало да се угледа на таткото на Хејден, Алан „Скип“ Панетиер. Тој по смртта на својата ќерка се огласил со емотивна порака исполнета со љубов и поддршка, без да се навраќа на старите конфликти и семејни несогласувања.
ФОТО: ИНСТАГРАМ
