Цените на нафтата на светските берзи продолжуваат да се зголемуваат, што значи дека горивата ќе поскапуваат и кај нас и во светот. Според најновите информации, референтните цени на нафтените деривати на светскиот пазар бележат раст, што веќе го отсликува и Регулаторната комисија за енергетика во одлуката за зголемување на малопродажните цени на бензин и дизел во Република Северна Македонија.
Причините за растот на цените се поврзани со глобални геополитички ризици и одлуките на големите производители на нафта. На пример, групата ОПЕК+ ја одржува одлуката за пауза во зголемување на производството до март 2026 година, поради слабата побарувачка, но и поради нарушување на извозот во некои земји, што ја намалува понудата на пазарот.
Покрај тоа, геополитичката напнатост, особено во региони како Блискиот Исток, и ризиците за прекин на снабдувањето од значајни производители како Иран, создаваат страв кај трговците на нафта, што дополнително ја турка цената нагоре на меѓународните пазари.
Како последица, и кај нас очеките се дека горивата може да продолжат да поскапуваат, што ќе влијае врз трошоците за транспорт, стоки и услуги. Ова го чувствуваат особено редовните возачи и компаниите што се зависни од гориво за своето работење.
