Една трудница побарала совет на Reddit за тоа кој треба да биде присутен за време на породувањето и во чекаоницата, објаснувајќи зошто ова прашање ѝ е исклучително важно.
Станува збор за 26-годишна жена која е во 34-та недела од бременоста и која заедно со својот сопруг (27) го очекува првото дете за околу шест недели. Од самиот почеток на бременоста, свекрвата изразила желба да биде присутна и во породилната сала и во чекалната, што во тој момент не изгледало како проблем.
На почетокот, двојката се договорила дека за време на породувањето ќе бидат присутни само сопругот, нејзината бремена сестра близначка како лице за поддршка и самата родилка. Меѓутоа, како што се приближувал терминот, сопругот почнал да го менува својот став.
Бидејќи трудницата не сака публика за време на породувањето, не е особено блиска со својата мајка, а со свекрвата и маќеата има коректни, но не и блиски односи, таа останува на својот првичен договор и не сака дополнителни лица околу себе додека се пораѓа. Сопругот, пак, смета дека е неправедно неговата мајка да не биде присутна, дури ни во чекалната, за да му пружи емоционална поддршка додека трае породувањето.
Поврзани објави
Трудницата истакнува дека породувањето е нејзино лично и интимно искуство и дека таа има право да ги постави границите. Посочува дека породувањето може да трае од дваесетина минути до цели денови и дека не сака дополнителен притисок. Подготвена е сопругот да комуницира со својата мајка преку пораки, но бара неговото целосно внимание да биде насочено кон неа и кон бебето, а не кон грижа за луѓето во чекалната. Свекрвата, според договорот, може да дојде по породувањето, што таа го смета за сосема прифатливо.
Во коментарите на Reddit, мнозинството корисници застанале на нејзина страна, истакнувајќи дека само родилката има право да одлучи кој ќе биде присутен за време на породувањето. Дел од нив, сепак, сметаат дека сопругот може да има корист од поддршката на својата мајка, но без таа да биде присутна во породилната сала.
ФОТО: Heather Mount / Unsplash
