Летните здравствени центри, кои беа активни на албанскиот брег и туристичките места од 1 јуни до 30 септември, пружиле помош на над 83.000 туристи.
Министерството за здравство и социјална заштита на Албанија ги соопшти податоците, според кои повеќе од 83.800 туристи кои ги одбрале албанското крајбрежје и туристичките региони, добиле услуги во овие центри, од кои 30 проценти биле странски државјани.
Според Министерството, 36-те сезонски здравствени амбуланти, кои функционираат веќе неколку години, во период од четири месеци непрекинато нуделе медицинска грижа благодарение на работата на 223 лекари и медицински сестри, обезбедувајќи лесен пристап до здравствена заштита за домашните и странските посетители.
“Најголемиот проток на туристи кои добиле услуга беше во амбулантите во Голем, Поградец, Драч, Мали и Робит, Ѓири и Лалзит, Шмѓин, додека најчестите дијагнози гастроентеритис, каснувања и алергии, разни вируси и артериска хипертензија”, информираа од Министерството за здравство и социјална заштита.
Се проценува дека летните здравствени амбуланти и 20-те фиксни станици за итна помош, поставени во близина на најпосетените туристички локации и плажи, гарантирале превентивни и советодавни услуги за заштита на здравјето на туристите.
Според најновите објавени информации, во периодот јануари-август Албанија била посетена од околу девет милиони туристи, што е за 5,2 проценти поголема бројка во споредба со истиот период минатата година. Минатата година биле регистрирани над 11,7 милиони туристи или 15,2 проценти повеќе од претходната година. Се очекува оваа година бројката да надмине 12 милиони туристи.
