Џејмс ван дер Бик не се појавил на собирот на екипата од „Светот на Досон“ бидејќи се лекува од рак, но ги расплакал колегите со трогателен видеоповик
Популарниот актер Џејмс ван дер Бик (48) со месеци планирал да се придружи на собирот на екипата од ТВ-серијата „Светот на Досон“, но поради здравствени причини бил принуден да отсуствува. Сепак, преку видеоповик успеал да им се обрати на своите колеги и да им предизвика солзи.
Неговата сопруга Кимберли се појавила со нивните шест деца во њујоршкиот театар и ги изненадила сите присутни, а потоа, Џејмс преку видеоповик ги споделил своите емоции…
„Со месеци и месеци ѝ се радував на оваа вечер, откако мојот ангел Мишел Вилијамс ми кажа дека ја планира. Не можам да поверувам дека нема да ги видам во живо моите пријатели, моите прекрасни колеги.“
Ван дер Бик отсуствувал поради стомачен вирус, кој се појавил за време на лечењето од рак на дебелото црево. Тој значајно ослабел од неговото последно појавување во јавност, иако долго оставал впечаток дека добро ја поднесува тешката ситуација.
James Van Der Beek Makes Surprise Appearance at Dawson’s Creek Reunion After Canceling Due to Illness https://t.co/GFEpJsc8Ni
— People (@people) September 23, 2025
Борба со ракот и подигнување свест за здравјето
Поврзани објави
Џејмс ван дер Бик неодамна открил за Business Insider дека со години се грижел за своето здравје, внимавал на исхраната и редовно вежбал, за потоа да дознае дека има рак на дебелото црево во трета фаза.
Открил дека почувствувал симптоми како да има вирус, подуен стомак и честа дијареја.
Денес е активен во организацијата Guardant Health, која го промовира тестот Shield, заснован на примерок од крв и способен да открие колоректален тумор во рана фаза. Ван дер Бик истакнал дека не сака да се оптоварува со тоа дека и самиот можеби можел порано да се тестира и да го спречи напредувањето на болеста:
„Тоа ‘можев, требаше’ е вистинска црна дупка. Но вие можете да не дозволите моето ‘требаше’ да стане ваше. Тоа е мојата најголема порака – проверувајте го своето здравје штом забележите каква било промена.“
Борбата на Џејмс ван дер Бик против ракот претставува инспирација за многумина да не го занемаруваат своето здравје, а истовремено е и доказ за неговата сила, посветеноста на семејството и колегите, и подготвеноста да се справи со предизвиците на професионален и приватен план.
ФОТО: Инстаграм, Х
