Водич за флертување со погледи, проследен со стручни совети од психолози.
Флертот со очи е налик на невидлива игра – особено возбудлива кога ги знаете правилата.
Со погледот можете да испратите сигнал, да создадете доза таинственост, а често и да го отворите патот кон првиот разговор – доволно за да почне флертот.
Шест вида погледи што привлекуваат внимание:
Поврзани објави
-
Продолжен поглед – задржете контакт со очите малку подолго од вообичаеното, со блага насмевка и опуштено држење. Не е потребно да зјапате, доволно е суптилно да покажете интерес.
-
Брз, повторен поглед – накратко погледнете, свртете го погледот и па вратете го. Овој сигнал остава впечаток на срамежливост, но јасно покажува дека некој ви го привлекол вниманието.
-
Поглед од далечина – разменетите погледи низ просторијата создаваат речиси филмски момент кој може да прерасне во нешто повеќе.
-
Заеднички поглед – упатете насмевка и потоа насочете го погледот кон нешто што може да биде повод за шега или коментар. Доколку другата личност го следи вашиот гест, поврзаноста веќе е воспоставена.
-
Подигнати веѓи – дискретен и ефикасен знак на заинтересираност. Важно е тоа да биде ненаметливо, речиси како суптилен навестувач.
-
Поглед што се движи по лицето – нежно спуштете го погледот од очите кон усните или образите, па вратете го назад. Овој вид поглед делува сензуално, но треба да се користи внимателно и во соодветен контекст.
Стручен совет: Правилото „20 проценти“ за заводнички поглед со мера
Австралиската тренерка за врски, Луан Ворд, со повеќе од дваесет години искуство, го препорачува т.н. „Правило на 20 проценти“ во контактот со очи: приближно 20 проценти од времето гледајте ја личноста директно во очи, а остатокот насочете го погледот кон други делови од лицето – усни, образи или чело.
Текст: Убавина и здравје
