80
Вчера попладне во 15,15 часот на патот А2 Охрид-Кичево кај село Горенци, возачот на автомобилот “Хонда” со охридски регистарски ознаки, Б.С. (69 години) од Охрид, излетал од коловозот. Според информациите од МВР, по несреќата, возачот и сопатничката М.С. (72 години) од Охрид биле пренесени во болницата “Св. Еразмо”, каде им биле констатирани тешки телесни повреди, но при транспортот на сопатничката до Комплекс клиники “Мајка Тереза”, таа починала. Според МВР, наредба за обдукција на телото била издадена од Јавното обвинување. Во увидот на местото на несреќата учествувала екипа од СВР Охрид.
