Table of Contents
Ким Кардашијан повторно шокира: проѕирно боди, минијатурен струк и раскошни облини – дали повторно правела естетски корекции?
Ријалити ѕвездата и модна икона Ким Кардашијан е позната по тоа што со секое ново појавување на црвениот килим, на Инстаграм или во модни кампањи, ги поместува границите на провокацијата. И токму кога ќе помислиме дека сме виделе сѐ, Ким повторно нѐ изненадува – и тоа не само со смелите модни избори, туку и со неверојатната трансформација на телото.
Деколтето на мегдан, но сите гледаат во струкот
Овој пат Интернетот се запали поради фотографијата што Ким ја споделила на Инстаграм. Станува збор за селфи во огледало, каде што позира во проѕирен комплет на „Муглер“, кој буквално „пука“ на нејзините облини. Бодито е украсено со светки, комплетно проѕирно, а комбинацијата ја надополнила со црна бунда – секако во свој стил, драматично и гламурозно.
Сепак, тоа што привлекло најголемо внимание не е нејзиниот смел стајлинг, туку нејзиниот неверојатно тенок струк, кој според мислењето на многумина, сега е уште потенок од претходно. Поради тоа, на социјалните мрежи веднаш осамнале коментари од типот „дали е возможно повторно да правела некаква корекција?“ и „ова веќе не изгледа природно“.
Стар трик или нова интервенција?
Поврзани објави
Ова не е првпат Ким да биде обвинета за дополнителни естетски зафати, особено кога станува збор за стеснување на струкот. Нејзиниот тенок струк и раскошните облини станаа нејзиниот заштитен знак, но вечна тема на дебата. Додека едни го фалат нејзиниот изглед и ја нарекуваат „кралица на облините“, други го критикуваат претерувањето и потенцијално лошото влијание што го има врз младите девојки и нереалните стандарди за убавина.
Без фризура? Нема врска – телото кажува сѐ
На истите фотографии некои забележале дека нема фризура. Сепак, тоа не ја спречило армијата од нејзините обожаватели да ја опсипаат со комплименти. За многумина Ким и понатаму важи за една од најсексапилните жени на денешницата, а коментарите како „кралица на провокацијата“ и „ѝ нема рамна“ само го потврдуваат нејзиниот статус во поп-културата.
Дали Ким знае што прави?
Без разлика дали ја сакате или не, едно е сигурно – Ким Кардашијан знае како да биде во центарот на вниманието. Нејзините модни избори и упорната желба да ги поместува границите ја направија икона во денешното општество. Дали станува збор за Фотошоп, естетски зафат или само добар стил, Ким секако останува главна тема каде и да се појави.
ФОТО: Инстаграм
