Мет гала, настан кој започна како скромна добротворна вечера во чест на њујоршкиот Метрополитен музеј на уметноста, одамна прерасна во еден од најгледаните, најфотографирани и најконтроверзни моменти на светската поп-сцена.
Додека познатите личности позираат на црвениот тепих во екстравагантни креации со насмевка на лицето, зад кулисите често се одвиваат драми кои се далеку од гламурозни. Еве ги најпознатите скандали кои го одбележале овој моден спектакл:
Соланж физички го нападна Џеј Зи во лифтот (2014)
Најпознатиот скандал се случи по Мет гала 2014 година, кога Бијонсе, нејзиниот сопруг Џеј Зи и нејзината сестра Соланж ја напуштија свеченоста и заминаа на афтер-парти во хотелот „The Standard“.
Безбедносната камера во лифтот сними физичка пресметка меѓу Соланж и Џеј Зи, додека Бијонсе мирно стоеше на страна. Соланж го удираше и клоцаше зетот, додека не интервенираше обезбедувањето.
Иако тројцата подоцна објавија заедничко соопштение дека ги надминале несогласувањата, медиумите беа преплавени со шпекулации за можна афера на Џеј Зи – на која Бијонсе подоцна суптилно се осврна во своите песни.
Бојкот на Наоми Кембел (2009)
Мет гала 2009 година беше посветена на врската меѓу дизајнерите и нивните музи. Но познатиот дизајнер Азедин Алаја речиси и да не беше претставен – само една негова креација се појави на фотографија.
Тој им порача на блиските пријателки, вклучувајќи ги Наоми Кембел и Стефани Симор, да не носат ништо од неговата колекција. Тие дури и воопшто не се појавија на настанот.
Алаја во интервју ја обвини Ана Винтур, влијателната уредничка на Vogue и главна организаторка на настанот:
Има премногу моќ над музејот“ – изјави тој.
Со години потоа не се појави во магазинoт.
Листата на „забранети“ гости од Ана Винтур
Секој што ќе добие покана – или ќе биде изземен – е во рацете на Ана Винтур. Стлистката Рејчел Зое ја изгуби поканата откако изјави дека е „повлијателна од Винтур“.
Поврзани објави
Најпознатото исклучување од листата? Доналд Трамп. Винтур јавно изјави во шоуто на Џејмс Корден дека никогаш повторно нема да биде поканет, иако претходно редовно присуствувал.
Ким Кардашијан и несреќната цветна креација (2013)
По долгогодишни обиди, Ким Кардашијан конечно доби покана за Метгала во 2013. Беше бремена и облече цветна креација од Givenchy, која медиумите безмилосно ја споредија со кауч.
Ким подоцна призна дека плачела на враќање дома, чувствувајќи се понижено.
Принцезата Дајана „во ноќница“ (1996)
Во 1996 година, почесна гостинка беше принцезата Дајана, која носеше првата haute couture креација на Џон Галијано за Dior, во темносина боја – без градник.
Британските медиуми веднаш ја критикуваа:
Како да прошета во ноќница“ – пишуваа таблоидите.
Подоцна, Галијано изјави дека Дајана самата одлучила да го извади градникот
Сакаше да се чувствува слободно.“
Видео: Youtube
Фото: Инстаграм
