Кејти Холмс блесна на црвениот тепих во еден од најатрактивните изгледи, а признаваме дека овој вид гламур одлично ѝ прилега.
Кејти Холмс пред неколку дена присуствуваше на премиерата на претставата Гленгари Глен Рос во Њујорк, а за таа пригода се осмели да облече премногу секси тоалета, откривајќи дека не заостанува ниту зад актуелните трендови, ниту пак зад помладите колешки.
Актерката носеше едноставен, но многу ефектен долг, тесен фустан во темносина боја, а она што на прв поглед изненадува е тоа што е проѕирен.
Поранешната сопруга на Том Круз во него ја покажа својата витата линија, бидејќи фустанот ги следи контурите на телото по целата должина, а зад креацијата стои њујоршкиот бренд Aflalo. Во продажба може да се најде за околу 700 евра.
Поврзани објави
Иако оваа креација изгледа целосно затворена однапред, нејзината задна страна е многу попровокативна и „разиграна“. Фустанот има голем отвор на грбот и јасно е дека не поднесува да се носи градник.
Комплетниот аутфит е заокружен со лежерна пунџа и суптилна шминка – во препознатливиот стил на убавата актерка, но и со едноставни црни чевли со едвај забележлив отворен преден дел и златен накит.
Сè на сè, ваков гламур ѝ прилега.
