Супата можете да ја послужите со малку свежо цеден лимонов сок и пармезан
Пастина е италијанска супа од зеленчук и тестенини, а честопати ја нарекуваат и „италијански пеницилин“ поради својата хранливост, бидејќи полна е со витамини, минерали и други нутриенти.
Пастина се вид ситни тестенини, кои во Италија се користат за приготвување различни јадења, а покрај тоа, во супата се додава и пилешки бујон, но може да се додаде и малку пилешко месо. Ако не можете да ги најдете тестенините пастина, може да користите и дури ситни тестенини за супа, како орзо.
Состојки:
- 1 л пилешки бујон
- 200 г ситни тестенини
- 45 г рендан пармезан
- 30 г путер
- 3 моркова
- 2 стапчиња целер
- 1 кромид
- 1-2 чешниња лук
- сол и бибер по вкус
- сок од лимон за послужување
Приготвување:
Поврзани објави
Стопете го путерот во поголемо тенџере, па пропржете ситно сечкани морков, целер и кромид. Динстајте околу 5 минути, додека омекне зеленчукот. Додајте ситно сечкан лук и продолжете да динстате уште една минута.
Префрлете го зеленчукот во блендер или сечко и пригответе пире. Вратете го пирето во тенџерето и сипете пилешки бујон. Промешајте и зачинете со сол и бибер.
Во тенџерето додајте ситни тестенини и варете ги 5-10 минути додека омекнат и ги впијат вкусовите на супата. При крајот на готвењето додајте рендан пармезан.
Послужете ја супата со малку свежо цеден лимонов сок и со дополнителен пармезан по желба.
ФОТО: Pichara / Unsplash
