Акцијата за приведување на осомничените ќе продолжи во текот на ноќта, а повеќе информации се очекуваат по завршувањето на акцијата утре
Попладнево, по наредба на Основното јавно обвинителство Кочани, беа приведени тројца поранешни градоначалници на Општина Кочани: Николчо Илиев, Ратко Димитровски и Љупчо Папазов. Оваа акција е дел од истрагата за трагичниот пожар во дискотеката „Пулс“, во кој животот го загубија 59 лица.
Според неофицијални информации, приведувањето на поранешните градоначалници е поврзано со сомневања за нивна инволвираност или пропусти во врска со функционирањето на дискотеката „Пулс“. Акцијата за приведување на осомничените ќе продолжи во текот на ноќта, а повеќе информации се очекуваат по завршувањето на акцијата утре.
Љупчо Папазов, кој е градоначалник во оставка, се повлече од функцијата по трагичниот пожар во дискотеката „Пулс“. Ратко Димитровски ја раководеше општината во периодот од 2009 до 2017 година, а негов наследник беше Николчо Илиев, кој ја извршуваше функцијата од 2017 до 2021 година.
Поврзани објави
Ова приведување е дел од пошироката истрага за утврдување на одговорноста за пожарот во дискотеката „Пулс“. Претходно, на 18 март, беше одреден краткотраен притвор од 48 часа за 16 лица, меѓу кои и поранешниот министер за економија Крешник Бектеши и поранешниот директор на Државниот пазарен инспекторат Горан Трајковски.
Надлежните институции продолжуваат со истрагата за да се утврдат сите околности и одговорности поврзани со оваа трагедија.
Фото: принтскрин социјални мрежи и Јутјуб
