Петмина од 14-те осомничени за пожарот во дискотеката „Пулс“ во Кочани се притворени во Казнено-поправниот дом „Скопје“, попознат како затвор Шутка.
Директорот на затворот Бобан Утковски во телефонска изјава за македонскиот портал Курир потврди дека осомничените вчеравечер биле донесени во затвор.
Поврзани објави
Синоќа се приведени пет лица, извршени се лекарски прегледи, а при приемот се испочитувани сите процедури“, изјави кусо Утковски.
Меѓу осомничените во Шутка се и поранешниот министер за економија Крешник Бектеши и поранешниот директор на Државната пазарна инспекција Горан Трајковски.
Судијата на претходна постапка им одреди „краток притвор“ од 48 часа на поранешниот министер за економија Бектеши, поранешниот директор на Државната пазарна инспекција Горан Трајковски и на уште 12 лица осомничени за пожарот во дискотеката „Пулс“ во Кочани.
