Колку пати сте почувствувале ненадејна болка додека минувате со раката низ косата? Иако се чини дека болката е во коренот на косата, таа всушност е концентрирана во скалпот.
Пецкањето, затегнатоста и болката што се појавуваат кога ќе ја повлечете косата наназад или кога ќе ја превртите на другата страна не само што се непријатни – може да бидат и збунувачки. Острата болка може да изгледа како да доаѓа од самата коса, но всушност доаѓа од нервите во вашиот скалп.
Иако болката се јавува кога ја движите косата, нејзината причина лежи во скалпот. Косата едноставно нема нерви кои можат да почувствуваат болка, но вашиот скалп е богат со завршетоци кои укажуваат на болни состојби.
Зошто се јавува болка во скалпот?
Од контактна алергија до иритација, постојат многу причини кои доведуваат до болен скалп. Сепак, болката во скалпот обично започнува по иритација или воспаление на скалпот. Директни причини за овој тип на болка може да бидат:
-псоријаза на скалпот
-себореичен дерматитис (првут)
-фоликулитис на скалпот
-алергиски контактен дерматитис
-стрес
-главоболка од стегната коса
-синдром на горење на скалпот (дисетезија на скалпот)
Прецизното одредување на оваа причина ќе биде неопходно ако сакате да се ослободите од непријатните сензации.
Како да се смири болката во скалпот?
Болката во скалпот која се појавува ненадејно и нема други симптоми може да биде резултат на алергиска реакција, особено реакција на нов производ за коса. Првата одбрана од болка е да ја измиете косата со благ шампон и да ја исплакнете со ладна вода без да нанесете никаков производ. Не нанесувајте есенцијални масла или други производи за регенерација на косата и скалпот додека не сте сигурни дека алергиската реакција поминала.
За егзема или псоријаза
Ако се чини дека скалпот ви се лупи, обидете се нежно да го четкате скалпот кога е сув со четка со меки влакна. Ако на вашата коса се појавуваат парчиња, тоа би можело да биде ваш прв показател дека се соочувате со егзема, псоријаза или себореичен дерматитис на скалпот. Побарајте специјални производи и помош од дерматолог.
Поврзани објави
За главоболка
Во случаи кога болката во скалпот се јавува за време на главоболка, двете состојби може да бидат поврзани. Лековите за ослободување од болка без рецепт, можат да ги ублажат симптомите додека болката не помине.
За фоликулитис
Фоликулитис е инфекција или воспаление на фоликулите на косата. Понекогаш е потребно антибактериско средство за чистење или антибиотик за да се расчисти инфекцијата. Доколку се работи за ваков случај, тогаш вашиот доктор ќе ви даде соодветна терапија.
Како да спречите развој на болка во скалпот?
Тешко е да се знае што ќе предизвика болка во скалпот пред да се појави, сепак, постојат навики кои ќе ви помогнат да го одржите вашиот скалп здрав и затоа ќе ја намалите можноста за појава на болка.
Корисни совети:
Третирајте какви било заболувања на кожата, како што се егзема и псоријаза.
Внимателно прочитајте ги етикетите на производите за да избегнете предизвикување алергиски реакции на вашиот скалп.
Нежно чешлајте ја косата и мијте ја со млака вода секој втор/трет ден.
Избегнувајте користење на производи за коса на база на алкохол.
Фото: Pexels.com
