Table of Contents
Кога ќе се спојат висока интелигенција, неисцрпна енергија и тврдоглавост кај едно куче, резултатот може да биде вистински хаос во домот. Овие три раси се толку паметни и темпераментни што можат сериозно да го испитаат трпението на своите сопственици.
Зад неодоливиот изглед и разиграното лице често се крие темперамент со кој не е лесно да се справите. Со овие кучиња, едно е сигурно – никогаш нема да ви биде здодевно!
Волчји шпиц
Деструктивните и немирните кучиња често се исклучително интелигентни, а волчјиот шпиц е добар пример за тоа. Оваа раса важи за многу паметна, но и за исклучително своеглава. Нивната безгранична приврзаност кон сопствениците понекогаш може да стане и проблем, поради што доследната обука е од особена важност.
Основните команди, како „седни“ и „легни“, треба да станат дел од секојдневната рутина за кучето да научи да се смирува и да ги почитува правилата. Во спротивно, покрај себе ќе имате големо, незауздано кученце што ќе прави сè по сопствени правила.
Велшки териер
Следен на листата е велшкиот териер – раса што повеќе од 300 години се одгледува за лов на помали животни, како јазовци и лисици. Ова куче е вистинска кадрава топка полна со неисцрпна енергија.
Иако обожава да запознава нови луѓе и може да биде одличен чувар на домот и имотот, животот во затворен простор може да претставува вистински предизвик ако не добива доволно физичка активност.
Поврзани објави
Ако го чувате во домот, а не му обезбедувате доволно движење и занимација, јасно ќе ви покаже дека му е здодевно и дека му недостига внимание. А тоа може да го направи на начин што нема да ви се допадне – со кинење перници, грицкање влечки и „реновирање“ на мебелот.
Англиски спрингер шпаниел
На прв поглед, ова куче изгледа исклучително мило и питомо, но неговиот темперамент може да претставува предизвик за сопствениците, особено ако нема доволно обука, движење и ментална стимулација.
Колку и да се трудите да воспоставите ред и да го научите што смее, а што не смее да прави, ова љубопитно куче може да најде начин да се вовлече токму таму каде што не треба.
Без разлика дали станува збор за бебешко креветче, кутија со детски играчки, внатрешноста на машината за перење или големо буре за вино – за него речиси секое место може да стане нова авантура!
Сепак, важно е да се знае дека однесувањето на кучето не зависи само од расата. Редовните прошетки, играта, соодветната обука и вниманието можат значително да помогнат во насочувањето на неговата енергија и спречувањето на несаканото однесување.
Фото: Pexels
