Table of Contents
Простор исполнет со уметност, книги, внимателно избрани детали и тераси со поглед на Њујорк – актерката Џулијан Мур покажа како изгледа нејзиниот дом од соништата, во кој секое парче мебел има своја приказна.
„Мислам дека ова е најубавиот стан во целиот Њујорк! Толку сме среќни што го најдовме!“, со воодушевување раскажува холивудската актерка Џулијан Мур, откривајќи дел од својот приватен свет.
Нејзиниот пентхаус се наоѓа на последниот кат од зграда изградена во 1920-тите години, која некогаш функционирала како хотел, а денес е претворена во станбен простор. Благодарение на положбата на самиот врв, домот нуди впечатлив поглед на градот, но и неколку тераси што му даваат посебен шарм.
Живееме речиси на покривот и го гледаме целиот Њујорк“, открива актерката, објаснувајќи дека на терасите засадиле ароматични билки и цвеќиња. Една од нив ја делат со блиски пријатели и соседи, со кои често уживаат во заедничките моменти на отворено.
Мебел со приказна и детали што го прават домот посебен
Она што го издвојува домот на Џулијан Мур не е само неговата локација, туку и внимателно осмислениот ентериер. Во него се преплетуваат уметноста, личните спомени и парчињата мебел што ја следат актерката низ различните животни периоди.
Посебно место имаат трпезариските столчиња што ги купила во Париз во 1995 година. Наместо да ги замени со нов мебел, таа ги задржала со години, носејќи ги со себе во секој нареден дом.
Тие се преселуваа со мене во секој стан и во секоја куќа во која живеев“, раскажува актерката.
Интересно е што луксузниот изглед не значи дека секој предмет е скап или дизајнерски. Во станот има и мебел од ИКЕА, кој природно се вклопува во целината. Токму таа комбинација на внимателно избрани парчиња и практични решенија му дава на просторот топлина и автентичност.
Богата библиотека, уметнички дела и oскар на посебно место
Книгите и уметноста се меѓу највпечатливите елементи во домот. Богатата библиотека е исполнета со класични дела, а меѓу предметите што привлекуваат внимание е и статуетката „оскар“ што Џулијан Мур ја освои за главната улога во филмот „Сè уште Алис“ („Still Alice“).
Поврзани објави
Актерката со години собирала уметнички дела од афирмирани, но и од помалку познати уметници. Се чини дека дури со пронаоѓањето на овој стан добила простор во кој можела да ги распореди и да ужива во нив на начин што ѝ одговара.
Секое дело, секоја книга и секој предмет придонесуваат домот да изгледа лично и исполнето со карактер, наместо како ентериер преземен од каталог.
Мал простор што изгледа поголем
Иако станот не е особено голем, неговата организација создава впечаток на просторност. Во него има кујна, дневна соба, бања, спална соба и тераси, а поделбата на две нивоа дополнително придонесува домот да изгледа поголем.
Наместо раскошот да го постигне со огромна квадратура, Џулијан Мур се потпира на добар распоред, природно поврзување на просториите и предмети што имаат лична вредност.
Актерката признава дека никогаш претходно не живеела во поубав стан.
Кога ќе се погледнат терасите со поглед на Њујорк, уметничката колекција, книгите и мебелот со децениски спомени, станува јасно зошто овој дом за неа е многу повеќе од обичен стан.
Погледнете го видеото во продолжение и откријте како изгледа пентхаусот што ја освои Џулијан Мур.
Видео: Youtube
