Додека ноемвриските температури нè потсетуваат дека зимата е сè поблиску, Јелена Спенџарска ужива во планинска атмосфера, спа-центар и базени на отворено во Бугарија. Македонската водителка сподели дел од своето патување, а особено внимание привлече нејзината одлука да влезе и во студен базен.
По посетите на Ница и Прага, Спенџарска избра неколкудневно бегство во природа, во туристички комплекс сместен во регионот меѓу Разлог и Банско, во подножјето на планината Пирин.
Наместо напорна агенда и брзање од една до друга знаменитост, нејзините денови се исполнети со релаксација, прошетки, вкусна храна и уживање во спа-содржините.
Дојдов на неколку дена да одморам, а сега размислувам дали воопшто има потреба да се враќам дома“, се пошегува таа.
Масажа или кафе – тоа е најголемата дилема
Спенџарска им откри на следбениците дека најголемата дилема во текот на денот ѝ е дали прво да замине на масажа или да ужива во утринското кафе.
Планини, базени, спа, ресторани, прошетки… и најголемата дилема во денот: прво масажа или прво кафе? Искрено, вакви проблеми сакам да имам почесто“, порача водителката.
Поврзани објави
Сепак, покрај топлите базени, таа одлучила да си постави и еден поинаков предизвик – да заплива во студен базен на отворено, иако времето веќе не е типично за капење.
Со доза хумор, се пошегува дека лекарствата сега ќе мора да почекаат на неа, додавајќи дека студениот предизвик одлично му дошол на нејзиното тело.
Јелена одамна е активна и на социјалните мрежи
Водителката редовно споделува моменти од приватниот живот, патувањата и секојдневието со своите следбеници. Нејзината активност на социјалните мрежи е продолжение на телевизиската кариера, во која, како што раскажала во интервју за „Слободен печат“, е присутна речиси две децении.
Иако често патува, овојпат очигледно најмногу ѝ годи комбинацијата од планински воздух, спа-уживање и малку авантура.
А кога изборот е меѓу масажа, кафе и базен со поглед кон планината, навистина е тешко да се одлучи што да биде прво!
Видео: Инстаграм
