Државниот долг на Албанија продолжи со опаѓање во текот на оваа година, достигнувајќи ниво од 54,02% од БДП на крајот на јуни, во споредба со 54,21% на крајот на 2024 година.
Ако се претвори износот на државниот долг во вредност, на крајот на јуни се проценува на 14,1 милијарди евра, споредено со 14,2 милијарди евра во март годинава.
Според Министерството за финансии, ова е најмалата забележана вредност на државниот долг во последните 10 години, која во 2014 година изнесуваше над 72 проценти. “Намалувањето на јавниот долг укажува на разумна фискална политика, како и на добро управување со портфолиото во целина,” оценуваат од министерството.
Од министерството додаваат дека “јакнењето на лекот во однос на странските валути, исто така, имаше позитивно влијание врз оваа ситуација.” Во изминатите месеци, еврото и доларот се разменуваат на многу ниски, рекордни нивоа, што влијаеше врз редуцирањето на каматите за долгот на Албанија во странска валута.
“Перформансите во наплатата на приходите, исто така, имаа влијание врз намалувањето на нивото на долгот. За периодот јануари – јуни 2025 година, приходите достигнаа околу 366 милијарди леки, што споредено со истиот период, е околу 22,8 милијарди леки или 6,7% повеќе,” стои во соопштението на министерството.
Главната цел на Министерството за финансии ќе продолжи да биде фискална консолидација, задржување на трошоците под контрола и зголемување на приходите, со цел смалување на износот на државниот долг.
вт/Фото: Министерство за финансии сајт .
