Ѓоковиќ оди во финале на УС Опен!

Новак Ѓоковиќ по десетти пат во кариерата ќе игра во финалето на УС Опен, кое го обезбеди совладувајќи ја сензацијата на турнирот, Американецот, Бен Шелтон со резултат 6:3, 6:2, 7: 6.
Мечот меѓу Новак Ѓоковиќ и Бен Шелтон требаше да биде вистински спектакл во полуфиналето на УС Опен бидејќи младиот Американец претходно се закани дека ќе знае како да го изненади српскиот тенисер.
На Шелтон му успеа се, освен да го изненади Новак, кој одлично знаеше да одговори на ризичната игра на Шелтон, чиј тенис во текот на целиот меч беше за тоа како да се заврши поенот што побрзо и поефективно.
Српскиот тенисер го скрши отпорот, а во финалето ќе игра против подобриот од дуелот Карлос Алкараз – Данил Медведев.