Иницијативата за нуклеарни закани, непрофитна безбедносна организација, проценува дека комплексот во Натанз се состои од три подземни згради, од кои две се дизајнирани да собираат 50.000 центрифуги. Шест згради се над земја, од кои две се сали од 2.500 метри што се користат за составување центрифуги за збогатување ураниум.
Кога во петокот утрината се слушнаа експлозии во иранската провинција Исфахан, мислите на многу познавачи на приликите во Блискиот Исток се свртеа кон одредена цел, нуклеарниот комплекс во градот Натанз, објавува британски Телеграф.
Комплексот во Натанз, главната иранска постројка за збогатување ураниум, станува сѐ поголем предмет на интерес на Западот додека Иран се обидува да ги прошири своите нуклеарни капацитети.
Иницијативата за нуклеарни закани, непрофитна безбедносна организација, проценува дека комплексот во Натанз се состои од три подземни згради, од кои две се дизајнирани да собираат 50.000 центрифуги. Шест згради се над земја, од кои две се сали од 2.500 метри што се користат за составување центрифуги за збогатување ураниум.
Од октомври 2022 година, Иран инсталирал 4.000 напредни центрифуги во своите постројки за збогатување ураниум, што е зголемување за 44% во рок од неколку месеци, според извештајот на Институтот за наука и меѓународна безбедност, а објавува Телеграф.
Лани сателитските снимки сугерирале дека Иран копа тунели во планините блиску до примарната нуклеарна централа во Натанз, градејќи нов комплекс толку длабоко под земја што експертите се загрижени дека ќе биде тежок за таргетирање и уништување со воздушни напади.
Иранскиот режим бргу негираше дека израелските напади во петокот го погодиле местото.
Комплексот во Натанз, лоциран во централното плато на Иран и опкружен со планините Загрос на запад, е заштитен со противвоздушна одбрана, периметарска ограда и страшниот корпус на Иранската револуционерна гарда.
Се верува дека комлексот се занимава со производство на гориво и врши други активности поврзани со цивилната нуклеарна програма на Иран. Но, некои експерти веруваат дека Иран ги крие напорите за изградба на нуклеарна бомба.
Збогатување ураниум длабоко во планината, далеку од љубопитните очи
Фотографии, направени во април 2023 година од „Планет лебс Пи-би-си“ (Planet Labs PBC), покажуваат како се извршуваат копања блиску до комплексот. Биле ископани 4 влезови во планината, според споредба на различни фотографии.
Не е јасно до каде е тој проект, со оглед на тајноста околу нуклеарните активности на Иран, особено бидејќи режимот го ограничува пристапот на меѓународните инспектори до неговите капацитети.
