Еден маж открил дека секој ден јадел еден производ и тврди дека затоа добил рак на дебелото црево
Млад Американец одлучил да ги предупреди своите врсници на опасностите што можат да произлезат од секојдневниот начин на исхрана, тврдејќи дека токму лошата исхрана му предизвикала рак на дебелото црево. Оваа дијагноза ја добил на само 25 години и смета дека самиот е одговорен за болеста.
„Дијагнозата ми ја поставија на 24-25 години, но докторот ми кажа дека сигурно го имам туморот веќе три години. Самиот сум виновен! Во тоа време буквално живеев на сендвичи“, признал младичот кој објавил видео на ТикТок, со цел да им пренесе порака на оние кои не внимаваат што јадат.
@radiant14percent I think i may have caused my colorectal cancer #cancer #cancerstory #cancersurvivor #cancerdiagnosis #rectalcancer #coloncancer #guttok #coloncancersymptoms #diet ♬ original sound – radiant14
Раскажал дека бил премногу мрзелив за да си готви и дека речиси секој втор ден јадел брза храна.
„Буквално јадев само италијански сендвичи и супи. Исто така, јадев многу црвено месо. Никогаш не одбивав бифтек кога ќе ми беше понуден. Докторите не ми кажаа директно дека тоа е причината, но самиот чувствував дека не сум далеку од вистината. Секогаш ме прашуваа за историјата на болести и за семејната генетика. Во моето семејство немаме историја на рак на дебелото црево, така што генетиката не беше ризичен фактор во мојот случај“, изјавил тој.
Поврзани објави
Оваа изјава брзо добила голем број коментари на ТикТок.
„Мојот онколог ми кажа дека веќе би имал Нобелова награда кога би знаел што точно предизвикало рак.“
„Одговорно тврдам дека храната игра клучна улога, како за целосното здравје така и за појавата на рак.“
„Барем си го открил навреме, се надевам.“
Постојат сè поголем број на истражувања што ја поврзуваат брзата храна со сериозни здравствени проблеми, меѓу кои и со кардиоваскуларни болести. Брзата храна остава последици и ги прави луѓето зависни од медицинска помош.
Иако експертите не можат со сигурност да ги потврдат конкретните причинители на рак, многумина се согласуваат дека лошата исхрана е еден од клучните ризични фактори. Апелот на овој младич на социјалните мрежи испраќа силна порака до неговата генерација, која честопати е подложна на брза, евтина и лесно достапна храна.
ФОТО: National Cancer Institute / Unsplash, TikTok / radiant14percent
