Table of Contents
Бјанка Цензори повторно привлекува внимание како режисерка на најновиот спот на Канје, кој содржи необични и бизарни сцени
Бјанка Цензори повторно ѝ го привлекла вниманието на јавноста, овој пат зад камерата. Сопругата Канје Вест се потпишува како режисерка на неговиот најнов музички спот, кој веќе предизвикува бурни реакции кај публиката поради необичните сцени. Во надреалното видео, раперот се појавува како обезглавен леш, додека лекарите извлекуваат скриени предмети од неговото тело, а потоа следи тотално неочекуван пресврт.
Канје Вест како обезглавен леш
Спотот е сместен во мртовечница, каде што е прикажано телото на Канје Вест (49) без глава. Лекарите изведуваат необична операција над неговото торзо и извлекуваат скриени предмети од него.
Ситуацијата станува уште побизарна кога Дон Толивер повторно ја прицврстува главата на Канје и го враќа во живот. Потоа, следи сцена на борба, додека раперот ги подготвува и ги остри своите мечеви.
Во заднина се слуша песната ОК, која ја изведуваат Је и Дон Толивер, а спотот е дел од албумот Bully Deluxe.
“OK” MUSIC VIDEO OUT NOW ON APPLE MUSIC AND SPOTIFY
DIRECTED BY BIANCA CENSORI pic.twitter.com/rdO8OMBtEm
— ye (@kanyewest) August 17, 2026
Четврти режисерски проект на Бјанка
Ова е четврти пат како Бјанка Цензори режира спот за проект на својот сопруг. Нејзиното искуство од областа на архитектурата очигледно влијаело и врз визуелниот идентитет на видеото, кој се карактеризира со смели пејзажи, необични простори и надреална атмосфера.
Иако одредени обожаватели се збуниле од тоа што го виделе, имало и такви што ја пофалиле работата на Бјанка зад камерите.
„Вау, нејзината режија е прекрасна. Да, ти благодарам за ова“, напишал еден гледач.
Поврзани објави
Други порачале:
„Ова е генијално. Таа е неверојатна“, додека еден од коментарите гласел:
„Бјанка е икона. Ова е неверојатно.“
Сепак, не биле сите воодушевени.
„Ова е многу лошо. Ни недостасува стариот Канје“, напишал еден од гледачите.
Бјанка: „Мојот стил не е само идеја на Канје“
Во интервју за магазинот „Венити фер“, објавено во март, Бјанка зборувала за својот стил и односот со сопругот.
Како што објаснила тогаш, нејзиниот изразен минималистички начин на облекување не е исклучиво резултат на влијанието на Канје, туку претставува нејзин личен уметнички избор.
„Не би правела нешто што не сакам“, рекла Бјанка објаснувајќи дека нивниот креативен однос повеќе го доживува како соработка отколку како ситуација во која едниот му диктира на другиот што треба да прави.
Токму таквиот пристап сега е видлив и во нејзината работа зад камерите, бидејќи Бјанка сè повеќе учествува во создавањето на визуелниот свет што ја следи музиката на Канје.
