Бизарен руски тенк, кој ги потсетува корисниците на социјалните мрежи на голема желка, е забележан на украинскиот фронт, пишува порталот Ворзоун.Oва не треба да изненади никого бидејќи во војна секогаш има иновации и револуционерни решенија, а некои од нив честопати се чудни.Ова возило е производ на очајна потрага по одбрана од мали камикаѕе-дронови.
Речиси ништо не се знае за оваа модификација, но јасно е дека го покрива речиси целиот тенк и му ги ограничува прегледноста и мобилноста на екипажот.Откако се појавија првите снимки од тенкот додека се движи како дел од конвојот, снимени од воздух, се појавија и фотографии одблиску.
Тие покажуваат груба челична конструкција со прицврстени носачи. Деминирањето ја намалува брзината на возилото, што го прави главна цел за непријателските беспилотни летала.Се чини дека ова е моменталната екстремна еволуција на „кафезот“ кој првпат се појави непосредно пред почетокот на војната во Украина. Оттогаш, заканата од дронови ескалира.
Некогаш импровизираните кафези на тенковите сега се гледаат на други видови оклопи во сѐ посложени конфигурации. Тие се појавуваат и низ целиот свет, вклучувајќи го и Израел, а нивните фабрички верзии стануваат опции за извоз на некои типови оклопи.
Појавата на високо подвижни камикаѕе-дронови доведе до уште поголеми и посложени кафези бидејќи беспилотните летала можат да летаат под кафезот, па дури и во отворите на возилата.Оваа најнова конфигурација во голема мера ја ограничува способноста на таквите беспилотни летала да извршат лесен напад, но со тоа го прави тенкот, во голема мера, бескорисен за напад.
