Посебен повод за радост во семејството на Миро Кацаров – нивниот син Тадеј го прослави првиот роденден, а гордите родители го одбележаа големиот ден и со неговото крштевање. Прославата се претвори во вистинска семејна веселба, со музика, танцување и моменти што долго ќе ги паметат.
Миро и неговата сопруга Ивана организираа свечен настан на кој им се придружија блиските, пријателите и гостите. Водителот не ја криеше возбудата и среќата по повод важниот ден за нивното семејство, а на социјалните мрежи споделија и дел од атмосферата.
Еден од најемотивните моменти беше посветеноста на Миро кон синот. Тој објави фотографија од крштевањето со порака:
Сине мој, цел живот Христос да те чува“, посакувајќи му на Тадеј живот исполнет со здравје, љубов и благослови.
Но вечерта не помина само во семејни честитки и свечени моменти. Миро покажа дека знае и како да ја подигне атмосферата: им се обрати на присутните, им се заблагодари што дошле да го споделат нивниот радосен повод, а потоа им се придружи на музичарите и запеа со „Либеро бенд“.
Особено внимание привлече танцот со сопругата Ивана. Додека Иван Јованов ја изведуваше песната „Кој да ти каже Ивана“, брачниот пар заигра танго, а романтичниот момент беше еден од најубавите од прославата.
Веселбата продолжи со музика и дружење, а кулминацијата следуваше кога беа изнесени роденденските торти и Тадеј ги дувна свеќичките за својот прв роденден.
Љубовната приказна на Миро и Ивана
Поврзани објави
Миро и Ивана се венчаа во септември 2023 година, а нивната љубовна приказна започнала со запознавање во скопски ноќен клуб. Водителот претходно раскажуваше дека веднаш почувствувале блискост, а по само неколку месеци започнале и заеднички живот.
Нивното семејство го сочинуваат и Миа, ќерката на Ивана од претходниот брак, која Миро ја прифатил како свое дете и за која во повеќе наврати зборувал со посебна нежност. Тадеј се роди во ноември 2025 година и донесе нова радост во нивниот дом.
Во едно од претходните интервјуа, Ивана зборуваше за посветеноста на Миро како татко, нагласувајќи дека тој е целосно вклучен во грижата за Тадеј и дека семејството му е на прво место.
Токму затоа, првиот роденден на нивниот син не беше само уште една свеченост, туку повод за собирање на најблиските и прослава на едно посебно семејно поглавје.
Фото: Инстаграм
