Пејачката со емотивна порака и луксузен часовник му го одбележа 17. роденден на синот Константин
Пејачката Дара Бубамара на големо го прослави 17. роденден на својот син Константин, а вниманието на јавноста го привлече раскошниот подарок што му го подари. Станува збор за луксузен часовник од престижниот бренд „Одемар Пиге“, чија вредност се проценува на околу 20.000 евра.
Гордата мајка на Инстаграм сподели емотивна порака посветена на наследникот, заедно со негова фотографија. „Сине мој, среќен роденден, да си ми жив и здрав и најдобар во сѐ. Те сакам најмногу на светот. Јас сум најсреќната мајка што имам таква поддршка и љубов од мојот најпрекрасен син“, напиша таа.
Покрај убавите зборови, пејачката објави и фотографии од подароците подготвени за овој посебен ден. Најмногу се истакна луксузниот часовник „Одемар Пиге“, еден од најбараните и најпрестижни брендови во светот на часовниците, чија цена, зависно од моделот, достигнува и над 40.000 евра.
Прославата била заокружена со големо плишано мече и луксузно шише шампањ „Моет“, со кое Дара наздравила за здравје и среќа на својот син, уште еднаш покажувајќи дека за наследникот – ништо не е премногу.
printskrin youtube – Republika Zabava – bubamara
