Долгогодишниот музичар и соработник на бројни познати естрадни имиња почина по тешко боледување, а од него емотивно се простија колегите и пријателите.
Музичкиот свет остана без уште едно препознатливо име. На 67-годишна возраст почина Синиша Џавиќ, познат хармоникаш, музичар, композитор и аранжер, кој со децении беше присутен на естрадата и соработуваше со голем број познати имиња. Џавиќ починал по долго и тешко боледување, а веста за неговото заминување предизвика бројни реакции меѓу неговите блиски и колеги.
Меѓу првите што се огласи беше пејачот Александар Аца Илиќ, со кого Џавиќ бил долгогодишен пријател и соработник. Нивното заедничко музичко патување започнало во 1986 година, кога заедно заминале во Австралија. Илиќ во емотивната порака се потсетил на годините поминати заедно и на бројните настапи и средби, откривајќи дека последните моменти музичарот ги поминал во Србија, опкружен со најблиските.
Поврзани објави
Џавиќ потекнувал од Мачва, а љубовта кон хармониката ја открил уште како дете. Во текот на богатата кариера бил водечки хармоникаш во оркестарот на Жарко Јосиповиќ Шкула, со кој настапувал ширум светот покрај познати имиња како Предраг Живковиќ Тозовац и Лепа Лукиќ. Соработувал и со Милош Бојаниќ и Митро Мириќ, а поради своето знаење и професионализам во естрадните кругови го носел прекарот „маестро“.
Последните 17 години ги поминал во Австралија, но останал поврзан со родниот крај и народната музика. Во мај годинава го објавил синглот „Мачванско слатко“, снимен со Синиша Туфегџиќ. Зад себе остави долгогодишен музички придонес и спомени кај бројните колеги и пријатели со кои ги делел сцената и студиото.
Screenshot
