Table of Contents
Сингапур важи за една од најмодерните и најуредените дестинации во светот, но дури и таму реалноста не секогаш ги исполнува очекувањата на туристите. Македонската инфлуенсерка Стефанија Кржеска, која со сопругот беше на меден месец на Бали, а на враќање го посети и Сингапур, искрено ги сподели своите впечатоци од градот-држава.
Иако ја воодушевиле модерната архитектура, организираниот јавен превоз и впечатливите туристички атракции, нејзиното искуство било засенето од непријатните временски услови и загадениот воздух.
Времето беше многууу спарно, премногу топло, а воздухот многу загаден. Ништо не се гледаше. Многу ми е криво што не го видовме градот во неговото вистинско светло, ама тоа е што е“, искрено напиша таа.
„Цел град е под камери, а казните се превисоки“
Стефанија открива дека Сингапур ја изненадил и со строгите правила и забрани што важат за жителите и посетителите.
Инаку, имаат превисоки казни за сè, а цел град е под камери. Имаат многу, многу забрани, ама затоа е градот толку чист“, споделува таа.
Сингапур е познат по строгите прописи за одржување на јавниот ред и чистотата. За туристите тоа значи дека треба внимателно да се информираат за локалните правила, бидејќи одредени однесувања што на други места се сметаат за вообичаени може да бидат казниви.
Еден од примерите што го споменува Стефанија е дуријанот, овошје познато по исклучително силниот мирис.
Интересно е дека имаат посебно правило за дуријан – овошје кое има многу чуден мирис, па затоа не смееш да го внесуваш во јавен превоз и хотели бидејќи многу мириса“, пишува таа.
Забраната за внесување дуријан во јавниот превоз е позната практика во Сингапур, поради неговиот интензивен мирис. Правилата во хотелите, пак, може да зависат од конкретното сместување.
Аеродромот и метрото оставиле одличен впечаток
И покрај разочарувањето од временските услови, Стефанија има и многу позитивни впечатоци од посетата.
Поврзани објави
Таа и сопругот летале од Бали до Сингапур со авиокомпанијата Singapore Airlines, а летот траел околу два часа. Потоа се вратиле во Скопје преку Истанбул.
Нивниот аеродром дефинитивно е еден од најубавите во светот“, вели таа.
Посебно ја пофалила и организацијата на јавниот превоз, истакнувајќи дека метрото функционира одлично и овозможува брзо и лесно движење низ градот.
Метрото многу добро функционира, сè е организирано и многу лесно и брзо може да се снајдеш низ целиот град“, споделува инфлуенсерката.
Сепак, азиската кујна не ги освоила неа и сопругот.
Азиската храна искрено воопшто не ни беше по вкус“, открива таа.
Marina Bay Sands и светлечките дрвја што вреди да се видат
Меѓу највпечатливите знаменитости на Сингапур е комплексот Marina Bay Sands, препознатлив по трите високи кули поврзани со огромна платформа на врвот. Комплексот вклучува хотел, трговски центар и други содржини, а неговата необична архитектура го прави едно од најпрепознатливите обележја на градот.
Стефанија ги споменува и Gardens by the Bay, познатите градини со впечатливи структури во форма на огромни дрвја, наречени Supertrees.
Посетителите можат да се прошетаат по висечката патека меѓу дел од овие структури, а вечерните светлосни и музички изведби се една од атракциите што привлекуваат голем број туристи.
Иако лошите временски услови ѝ го отежнале разгледувањето на градот, Стефанија сепак смета дека Сингапур е место што вреди да се посети.
Луѓето во Сингапур како да живеат во некој друг свет. Дефинитивно би сакала да го видам пак!“, заклучува таа.
Нејзиното искуство е потсетник дека дури и најпопуларните туристички дестинации можат да изненадат со неочекувани предизвици, но и дека едно патување не мора да биде совршено за да остави желба за повторна посета.
Фото и видео: Инстаграм
