„Некои луѓе едноставно го имаат она што не може да се одглуми. Ти си една од нив“ – ова е само еден од бројните коментари кои ги доби Нина Бадриќ откако сподели фотографии од својот последен моден избор.
Хрватската музичка ѕвезда повторно покажа зошто важи за една од најелегантните дами на регионалната сцена. Облечена во впечатлива сина комбинација, Нина изгледаше моќно, гламурозно и со препознатливата доза на софистицираност.
Нејзиниот стајлинг привлече огромно внимание – здолништето кое визуелно наликува на панталони, модерниот топ и долгите ракавици во една од најактуелните бои на сезоната создадоа впечатлива модна приказна. Целиот изглед го заокружи со елегантна фризура, впечатлив накит и нејзината препознатлива харизма.
Поврзани објави
Фановите не штедеа комплименти, нарекувајќи ја „дива“ и „прекрасна“, а поддршка во коментарите ѝ даде и нејзината колешка Јелена Розга.
Фотографиите Нина ги објави непосредно пред својот голем настап на една од најубавите сцени на Јадранот – тврдината „Свети Михаил“ во Шибеник. Пејачката со гордост сподели дека концертот по третпат е распродаден, а не ги криеше емоциите кон својата публика.
„Третпат распродадена тврдината „Свети Михаил“. Трипати истата љубов, сè посилни емоции и публика која секојпат ми покажува зошто музиката има смисла“, напиша Нина покрај серијата фотографии.
Со својот талент, елеганција и искрената поврзаност со обожавателите, Нина Бадриќ уште еднаш покажа дека нејзината популарност трае со години, а нејзиниот стил продолжува да биде инспирација за многумина.
