„Не го барав ова од него, но тој секогаш го слуша и тоа што не го кажувам“
Родителството знае да биде многу исцрпувачко и напорно, особено кога децата сè уште се мали. Но еден сопруг ги препознал потребите на преморената мајка, без таа да ги изговори гласно. Ви ја пренесуваме нејзината исповед во целост:
„Не го барав ова, не ни знаев колку ми е тоа потребно, но тој забележа, тој секогаш забележува!“
„Пред неколку месец кажав, полу на шега, дека би било убаво да имам мало катче во дворот, каде што децата би можеле да се прскаат, а јас да седам без некој да се качува на мене. Сопругот кимна со главата и ништо не кажа, што на неговиот јазик значење: ‘Веќе планирам’.
Но навистина не го очекував тоа што го добив!
Вечерите преку недела и за викенди користеше остатоци од дрвја, го пренамени бурето и покажа повеќе трпение одошто мислев дека поседува. Дури и најде лулашки за лежење на апликација за занаетчии, која му ја претставив минатата година кога почнав да купувам ситници за моите ‘направи сама’ проекти. Сега тој ја користи повеќе од мене.
Поврзани објави
Ми откри дека знакот за лимонада го направила жена од Монтана по нарачка. Ја замолил да додаде мала ѕвездичка на дното и ми кажа: ‘Тоа си ти, кога можеш да седиш мирно, едноставно блескаш’.
Плачев првиот пат кога зачекорив во овој простор. Не затоа што беше совршен, туку затоа што некој ми изгради мирно катче во свет кој никогаш не забавува. Затоа што ме слушна. Затоа не морав да побарам.
Сега секое попладне седам во една од тие лулашки, нозете во трева, децата се кикотат во вода. И секогаш си го помислувам истото: ‘Ова не е само двор. Ова е љубов. Во дрвото, во конопот, во сончевата светлина. Во трудот и тивките постапки. Во забележувањето на ситниците.
И тоа е тоа што го прави ова остварување на сонот.“
ФОТО: Принтскрин Фејсбук
