За време на овој викенд во Македонија времето ќе биде променливо облачно со сончеви периоди. Денес ќе има услови за локални слаби врнежи од дожд, додека на повисоките места и на планините ќе провејува снег. Температурите ќе се искачуваат во интервалот од 5 до 13 степени.
Во текот на следната седмица и тоа под влијание на циклонска активност од запад и изразено јужно воздушно струење температурите ќе бележат тенденција на ПОРАСТ и истите ќе се искачуваат во интервалот од 8 до 15 степени, додека во најтоплите предели истите се очекува да се искачат дури и над 15 степени. Ќе има и повремени врнежи од дожд со променлив интензитет, а ќе дува и засилен ветер од јужен и од југозападен правец. Услови за врнежи од снег ќе има само на највисоките планини на запад.
Во Скопје и околината исто така во текот на следната седмица очекуваме поголема промена на времето која ќе биде проследена со засилен јужен ветер, повремени врнежи од дожд и значително повисоки температури на воздухот кој ќе се искачат до околу 15 степени.
НАПОМЕНА : Температурите кој ги очекуваме во текот на следната седмица ќе бидат ЗНАЧИТЕЛНО над просекот за овој дел од годината.
