Српскиот актер Милан Васиќ доби син. Неговата сопруга Маја се породила и на свет донела здраво машко дете, а среќната вест актерот ја сподели со јавноста преку емотивна објава на Инстаграм.
Со фотографија од породилиштето, Васиќ откри дека новородениот син ќе го носи името Деспот.
– Добредојде, Деспоте, сине – напиша актерот.
Поврзани објави
Името Деспот потекнува од грчкиот збор δεσπότης (despótēs), што значи „господар“ или „владател“. Во Византија, а подоцна и во средновековна Србија, тоа била висока титула што им се доделувала на истакнати членови на владејачкото семејство – веднаш под царот.
Иако денес се користи како лично име, Деспот има силна историска и симболична поврзаност со српската историја, особено со Косово и Метохија, бидејќи потсетува на Деспот Стефан – чуварот на српската култура, православието и државноста во едно од најтешките времиња за тогашна Србија.
Фото: Инстаграм Принтскрин
