Победничката на втората сезона на реалното шоу „Задруга“, Луна Ѓогани, повторно се подложи на естетска интервенција.
Пејачката и инфлуенсерка на социјалните мрежи објави фотографија од клиника и откри дека направила „бејби ботокс“, кој, како што објасни, ја затегнува кожата и ги намалува борите.
Поврзани објави
„Затоа кожата ми изгледа посвежо“, напиша Луна во описот на фотографијата, нагласувајќи дека е презадоволна од резултатот.
Оваа нејзина објава предизвика лавина реакции и бројни коментари на интернет.
Луна и претходно јавно зборувала за естетските зафати на кои се решила. Таа има корекција на носот, зголемување на градите и полнење на усните, а во повеќе наврати истакнувала дека не жали за своите одлуки.
„Желба ми беше да ги зголемам градите, тоа го направив и не се покајав. Тоа не беше потреба, туку моја одлука бидејќи верував дека ќе изгледам подобро. На девојките би им препорачала да направат таков чекор само ако се сто отсто сигурни и ако сметаат дека тоа ќе им го зголеми самодовербата“, изјави таа во една од своите претходни изјави.
