Водителот и јутјубер со посебни емоции зборуваше за раѓањето на синот Лука и за моментот кога ја видел силата на својата сопруга.
За Стефан Лазаров раѓањето на неговиот син Лука е момент кој засекогаш ќе остане запишан во неговото сеќавање. Македонскиот водител и јутјубер решил да присуствува на породувањето на сопругата Марта, а она што го доживеал, како што вели, целосно го променило начинот на кој гледа на женската сила.
Иако само половина час пред да започне породувањето сè уште се двоумел дали да биде присутен, Лазаров на крајот решил да остане покрај сопругата. Тој подоцна раскажал дека токму таму ја видел храброста на Марта на начин на кој никогаш претходно не ја доживеал.
За него, раѓањето било повеќе од моментот во кој на свет дошол нивниот син. Било и искуство кое повторно му ја покажало женската сила и пожртвуваност.
Најубавиот момент во мојот живот. Момент во којшто ја гледаш храброста на жената“, раскажал Стефан, порачувајќи им и на другите мажи да бидат присутни на раѓањето на своите деца.
Поврзани објави
Емоциите, како што открил, биле толку силни што во тој момент повторно почувствувал огромна љубов кон Марта.
Се заљубив по милионити пат во животот мој“, признал тој.
По раѓањето, Лазаров сподели и неколку фотографии со најновиот член на семејството. Нивниот син го доби името Лука, а за Стефан и Марта започна едно сосема ново поглавје во нивниот заеднички живот.
Screenshot socijalni mrezi
