Грчкиот министер за животна средина и енергетика, Ставрос Папаставру, и американскиот секретар за внатрешни работи и претседавач со Националниот совет за енергетика, Даг Бургум, оствариле телефонски разговор во врска со стратешките релации меѓу Грција и САД, како и енергетските случувања кои директно влијаат на двете држави, пренесе дописничката на МИА од Атина.
Според известувањето од Министерството за животна средина и енергетика на Грција, посебно внимание во телефонскиот разговор било посветено на скорешната одлука на грчката Влада да ја прифати покажаната заинтересираност на американската компанија „Шеврон“ за реализација на истражувања за природен гас во јужниот дел на островот Крит.
„Двете страни се согласија дека ова е многу важна разврска што ги зајакнува блиските билатерални односи меѓу двете земји“, објавија од грчкото Министерство.
Како што информираше МИА минатата недела, Министерството за енергетика и животна средина на Грција даде одобрение за покажаната заинтересираност на американската компанија „Шеврон“ за извршување на истражување за јаглеводороди во два блока во морскиот дел јужно од островот Крит, односно во блоковите „Јужен Крит 1“ и „Јужен Крит 2“.
„Шеврон“ е втора по големина приватна американска компанија во светот, која активно работи во секторот за јаглеводороди и има значајно присуство во источниот Медитеран, со истражувачки активности во Египет, Израел и Кипар.
