Теа Таировиќ откри дека се расплакала кога видела дека снимка од нејзината свадба започнала да кружи по социјалните мрежи – пред таа самата воопшто да ја добие.
Познатата пејачка неодамна му го кажа судбоносното „да“ на својот партнер Иван Вардај, на интимна церемонија на Рибарското Острово во Нови Сад. Таировиќ, која внимателно го чува својот приватен живот далеку од јавноста, првично не се огласи по повод свадбата, сакајќи тој ден да остане посветен само на семејството и најблиските.
Во своето прво интервју по венчавањето, Теа искрено зборуваше за љубовта со Иван и моментот кога знаела дека тој е „вистинскиот“:
Штом го видов, реков: „Овој е мој“. Му го кажав тоа директно – сподели пејачката.
„Да, точно е, ми го рече тоа“, потврди Иван.
„На почетокот само се насмеав“ – додаде тој.
Поврзани објави
Теа потоа објасни дека свадбата сакала да остане нејзина приватна работа, но се соочила со разочарување:
Сакав тоа да биде само мој ден. Вчера се расплакав кога видов дека некој друг има снимка од венчавката, која јас сè уште ја немам добиено. Беше објавена на ТикТок. Заплакав, затоа што како е можно некој трет да го има тој толку личен момент, а јас не? Мора нешто да остане и за мене – не може секој момент да биде дел од работата – изјави Теа во емисијата „Е глам“.
