Фризурите со циркони и монистри се враќаат директно од 90-тите и во најдобар можен момент, пред Нова Година.
Ако пораснавте во 90-тите или раните 90-ти, веројатно имате посебно место во вашето срце за сите оние одлични фризури со монистри. Во моментов, се чини, во светот на фризурите преовладува носталгијата, па се враќаат сите познати начини за додавање сјај на косата. Од ситен накит на линијата на косата до барокни украси за коса – ѕвездите се полни со инспирација за новогодишни фризури кои користат монистри, бисери и циркони за дополнителен сјај.
Предлог 1 – Серија циркони
Навистина изгледаат исклучително гламурозно, а лесно се поставуваат, потребен ви е само добар гел за коса или силна пена. Клучот е да го поставите секој камен додека производот е сè уште свеж и влажен, за добро да се залепи.
Предлог 2 – Пунџа со циркони
Ставете ја пунџата супер високо, а потоа дополнете со нитни, со циркони или бисери, во зависност од стилот.
Предлог 3 – Циркони со различни големини
Доколку сакате да поставите украси по целата должина на вашата фризура, тогаш изберете микс од различни големини. Поголемите камења ќе бидат позабележителни во плетенка или нагоре, но околу коренот и линијата на косата, малите и средните камчиња додаваат димензија.
Предлог 4 – Украси на патецот
Поврзани објави
Фризурите со циркони и монистри имаат и свои едноставни и брзи варијанти, како оваа. Направете добро дефинирана разделба во средината, стилизирајте ја косата, а потоа додадете по ваш избор.
Предлог 5 – Нежен сјај
Фризурите со циркони и монистри не секогаш подразбираат влажен изглед или надополнување. Понекогаш, можете да додадете кристали на пуштена, долга коса, но погрижете се да користите пинцети и чешел за опашка.
Предлог 6 – Патец со бисери
Бисерите се класични во секој контекст, дури и кога се во прашање фризури. Ова ги прави уште еден прекрасен избор за украсување на вашата коса. Бисерите се совршени со црни кадифени фустани.
Фото: Pinterest.com
