По почетните информации дека на новата апликација од Meta, конкурент на Twitter наречена Threads, одлично и оди и за помалку од недела дена ја има надминато бројката од 100 милиони корисници, сега доаѓаат нешто пореални и очекувани статистики.
Бројот на корисници кои активно ја користат Threads во текот на денот е намален на околу половина, што значи дека скоро нема кој не направи своја сметка, но откако ја проба апликацијата, истата веќе и не ја вклучува.
Ова може да се каже дека е очекувано поради неколку причини. Едната е фактот што од Meta го искористија Instagram и популарноста на оваа мрежа и ги поврза сметките со Threads. Корисниците многу полесно ќе се одлучат да пробаат нова апликација ако нејзиниот бенд е поврзан со брендот на апликација како Instagram, а уште повеќе доколку нема потреба од креирање на нова сметка, туку само активирање на апликацијата со постојната Instagram сметка.
На ова треба да се додаде и фактот дека Threads се’ уште ги нема повеќето од потребните функции, па ќе треба да се почека некој месец за да апликацијата биде доведена на ниво на Twitter.
Се поставува и прашањето, дали се потребни толку нови конкуренти на Twitter само зошто таа мрежа ја купи Елон Маск или се работи само за непотребно критикување на истата поради тоа што сега истата е целосно отворена и веќе на неа не може одредена група на луѓе да одлучува што смета дека треба или не треба да се објавува.
