„Можете ли да замислите каков подарок ми дадовте?“, напишала Џеки Кенеди во писмото до госпоѓа Никсон
Доналд Трамп често го споредуваат со Ричард Никсон, како пример за двајцата најлоши и најкорумпирани американски претседатели, но тие споредби не „држат вода“ во некои погледи.
Додека Трамп покажувал краен презир и кон своите претходници и кон својот наследник, Никсон многу ги ценел своите претходници, особено Џон Ф. Кенеди. Никсон неколку пати ја молел неговата вдовица Џеки да го посети во Белата куќа, но таа долго ги одбивала неговите љубезни покани.
Иако пет години по убиството на Кенеди се премажила за грчкиот милијардер Аристотел Оназис, новиот брак не можел да ѝ ја излечи траумата од трагичната загуба на првиот сопруг.
Џеки повторно зачекорила во Белата куќа дури во 1971 година, осум години по атентатот во Далас, кога сопружниците Ричард и Пат Никсон ја замолиле да присуствува на свеченото поставување на портретот на Кенеди.
Таа се согласила, но не сакала да се прави од тоа претстава за јавноста. Тешко ѝ паѓала помислата да се врати со децата во нивниот некогашен дом, од каде што судбината ја отселила под толку трауматични околности.
„Навистина немам храброст да учествувам во официјалната церемонија“, ѝ напишала Џеки Оназис на госпоѓата Никсон.
„Можеме ли јас и децата незабележливо да дојдеме до Вашингтон, да оддадеме почест и приватно да го погледнеме портретот?“
Поврзани објави
Сопружниците Никсон срдечно се согласиле со тој предлог и дури тогаш поранешната прва дама повторно влегла во претседателската резиденција, дискретно и без камери што би ѝ ја нарушувале приватноста во тој исклучително емотивен момент.
„Можете ли да си замислите каков подарок ми дадовте?“, напишала таа еден ден подоцна во благодарното писмо до госпоѓата Никсон.
„Приватно да се вратам во Белата куќа со моите деца, додека сè уште се доволно млади за повторно да го откријат своето детство – со вас како водичи и со вашите ќерки, толку извонредни млади жени.“
Додала дека семејството Никсон многу ги разгалило за време на таа приватна тура низ Белата куќа, па ја пофалила врвната вечера, со која испиле шише скапоцено вино. Споменала и дека никогаш не видела Белата куќа да изгледа толку совршено, трогната што домаќините во нејзина чест ги вклучиле сите светла и фонтани околу резиденцијата.
„Денот од којшто многу се плашев се покажа како еден од најдрагоцените што ги имам поминато со моите деца.“
Емотивното писмо на Џеки е сочувано во претседателската библиотека на Ричард Никсон.
ФОТО: Инстаграм
