Дали некогаш сте се запрашале што содржи торбата на Новак Ѓоковиќ пред натпреварот?
За најдобриот тенисер на сите времиња паузата и уживањето по освоеното олимписко злато заврши, бидејќи на прагот е последниот Грен слем сезонава.
Новак Ѓоковиќ уживаше со семејството и пријателите на црногорското приморје и во родниот Белград, а сега е време да ги спакувате куферите и да си купи билет за Њујорк.
На социјалните мрежи, Ноле објави видео на кое можеме да видиме како изгледа неговата торба пред УС Опен, поточно што носи со себе пред секој меч.
Едно нешто привлече посебно внимание.
Имено, како што објасни Ѓоковиќ, тој секогаш користи поголема торба за Вимблдон бидејќи му треба повеќе опрема, додека за американскиот Грен слем, таа е малку помала, иако во суштина содржи се’.
Рекети, капчиња, стегачи, суплементи, компресивни чорапи кои ги носи за време на натпреварот, но незаменлив дел од секој негов куфер, торба, ранец е една книга која му е особено важна.
Поврзани објави
Станува збор за книгата „Сè почнува со молитва“, која Новак ја чита пред секој натпревар, што му стана ритуал, а може да се каже дека е и негова амајлија.
Како што откри Ноле, тој ѝ припаѓа на групата луѓе кои секогаш носат многу повеќе од она што навистина им е потребно, но и секогаш се пакуваат непосредно пред летот, односно оставаат сè за последен момент.
@djokernole Getting ready for US Open. #tennis #usopen #getreadywithme ♬ original sound – Novak Djokovic
На духовит начин, Ноле откри дека живее „во торби и куфери“ и дека не станува збор за неговата тажна животна приказна, туку за реалност која бескрајно ја сака.
Фото: Getty Images
Видео: ТикТок
