Пејачот ги изненади сите – јавно соопшти дека повеќе нема да настапува.
Младиот пејач Димитрије Казиќ, кој ја освои публиката со настапите во „Ѕвезди на Гранд“, ги изненади сите со неочекувана одлука. Тој на својот Инстаграм профил објави дека се повлекува од музичката сцена.
Во емотивната порака, Казиќ напиша дека повеќе нема сила да се бори со притисоците и дека ја сака музиката премногу за да дозволи таа да биде „повредена“. Тој истакна дека долго време размислувал за ова и конечно решил да направи пауза, а можеби и целосно да ја заврши кариерата.
Премногу ја сакам музиката за да гледам како ја уништуваат, а јас немам сила да ја заштитам. Долго размислував за ова, и ете, решив“, напиша Димитрије.
Поврзани објави
Фановите се во шок и со неверување ја коментираат неговата одлука. На социјалните мрежи веќе се појавија илјадници пораки за поддршка, а многумина веруваат дека ќе се предомисли. Други пак, го разбираат и велат дека секој заслужува пауза кога се чувствува исцрпено.
Дали ова е само привремена пауза или Димитрије трајно се повлекува од естрадата – останува да видиме. Јасно е само едно: музичката сцена ќе биде посиромашна без него.
zvezde granda printskrin youtube
