По долга пауза конечно ни се враќа елитната Лига на шампиони (ЛШ) со два спектакуларни дуели, кои вечерва се играат меѓу Милан и Тотнем, како и меѓу ПСЖ и Баерн Минхен.
Најинтересен дуел во оваа фаза од елитното натпреварување се очекува да биде меѓу парижаните и баварците, кои вечерва ќе се соочат на „Паркот на принцовите“. Баерн е во серија од 19 натпревари без пораз во сите натпреварувања, а последниот неуспех го доживеаа на 17 септември 2022 година против Аугсбург во Бундеслигата.
ПСЖ, од друга страна, е лош оваа година и има три порази, едно реми и три победи, а главоболка за тренерот Галтие е и тоа дали Лионел Меси ќе може да настапи вечерва поради повреда на тетивата на средбата против Монако.
Добра вест за парижаните е тоа што се враќа Килијан Мбапе, кој ги пропушти последните три натпревари, па се очекува вечерва да биде главен адут на францускиот првак.
