Да се направи хранлива маска за коса е многу полесно отколку што мислите. А уште полесно е кога ви требаат само две или три состојки за да добиете поздрава коса. А клучната состојка е алое вера.
Маската од алое вера прави чуда за косата
Алоето има антиинфламаторни и хранливи својства. Може да помогне во одржувањето на косата хидрирана, а скалпот смирен: „Листот на растението алое вера е богат со вода, особено во внатрешниот слој на листот, па помага за хидратација на скалпот и косата. Овие својства ги прават маските за коса од алое идеални за постигнување здрава коса, бидејќи го намалуваат оштетувањето на косата и и даваат здрав сјај.
Што се однесува до придобивките за скалпот, алое вера е добро позната антиинфламаторна состојка која го смирува скалпот и може да ја смири иритацијата како онаа предизвикана од првут или сува кожа.
Како да направите маска за коса од алое вера
Поврзани објави
За да направите маска за коса ќе ви требаат свежи листови од алое или гел од алое вера купени од продавница или аптека. Дополнително, ќе ви треба оклузивно масло по ваш избор. Се препорачуваат кокосово, маслиново или арганово масло.
Ако имате алое дома, исечете ги листовите по должина и изгребете го гелот со лажица. Измешајте 3-4 лажици гел од алое со 6-8 лажици од саканото масло на собна температура. Мешајте ја смесата додека не добиете густина како паста и тоа е тоа!
Ако се фокусирате на здравјето на вашиот скалп и сакате да го лекувате првутот, има некои други состојки што можете да ги додадете, вклучувајќи јаболков оцет или масло од чајно дрво. Ако вашата коса е екстра сува, размислете да додадете јајца, јогурт или друго масло покрај она што веќе сте го избрале (арган, кокос, маслиново).
Нанесете ја маската прамен по прамен, за да биде рамномерно распоредена насекаде, вклучувајќи го и скалпот. Ставете капа за туширање или кеса и оставете да делува 15-30 минути. Потоа измијте ја косата со благ шампон и темелно исплакнете со млака вода.
Доколку имате првут, маската треба да се нанесе на измиена коса, прво на темето (добро втријте ја), а потоа распоредете ја на остатокот од косата. Оставете да делува 15-30 минути, а потоа измијте ја косата со шампон и исплакнете со млака вода. Повторете го ова еднаш или двапати неделно.
