Изјавата на пејачката во подкастот на Боки 13 ги изненади многумина, со оглед на тоа што пред неколку години имаше сосема поинаков став.
Мина Костиќ повторно се најде во центарот на јавноста, овојпат поради своите изјави за потеклото. Гостувајќи во подкаст кај Боки 13, таа изјави дека е Србинка и дека нема ромско потекло, што предизвика бројни реакции.
Во разговорот, Мина нагласи дека не ѝ е важно потеклото и дека се идентификува како Србинка од Косово. Таа откри и дека со години е православна христијанка и дека се крстила на 19-годишна возраст, додавајќи дека порано се викала Минира Јашари.
Поврзани објави
Овие зборови изненадија дел од јавноста, бидејќи пејачката во минатото јавно зборувала поинаку. Пред пет години, гостувајќи во емисија, таа изјави дека се гордее со своето ромско потекло и дека никогаш не го криела тоа.
И покрај контрадикторните изјави, Мина и нејзиниот вереник Мане Ќурувија Каспер и понатаму се во фокусот на јавноста. Неодамна таа на социјалните мрежи се пофали дека се запознала со неговото семејство, што дополнително го зголеми интересот за нејзиниот приватен живот.
Printscreen – Youtube – TV Pink
