Овие свински шницли се приготвуваат брзо, а месото е вкусно и меко
Свинските шницли секогаш се добро решение кога сакате да јадете нешто богато. Мекото месо и вкусниот сос совршено одат со секој прилог: ориз или пире од компири.
Состојки:
- 4 свински шницли
- сол и бибер
- 1 главица кромид
- 1 лажица сенф
- 1 лажица црвен пипер
- бујон од зеленчук
- малку брашно
- 1 чешне лук
Приготвување:
Поврзани објави
1. Истанчете го свинското месо со чекан за месо. Посолете го и забиберете го од сите страни, па извалајте го месото во брашно.
2. Пржете го месото во подлабоко тавче додека добие златна коричка. Извадете го месото од тавчето.
3. Ставете 1 главица сечкан кромид во тавчето каде што се пржело месото. Кога ќе се продинста кромидот, додајте лук. Додајте 1 лажица пипер и 1 лажица брашно. Потоа, додајте една лажица сенф и промешајте.
4. Постепено додавајте го бујонот од зеленчук. Вратете го испрженото месо во добиениот сос и гответе 20 минути на тивок оган.
5. Прилогот одберете го сами: пире од компири или ориз.
