Во новата епизода на Ceca Show, пејачката се осврна на злобните коментари што се појавија по смртта на нејзината блиска пријателка и долгогодишна соработничка.
Пејачката Светлана Цеца Ражнатовиќ се осврна на шпекулациите кои се појавија по смртта на Марина Туцаковиќ, една од најпознатите текстописци на Балканот.
Ја нема веќе Марина. Сите злобни јазици, со текот на времето, ќе бидат побиени од самата вистина – рече Цеца, алудирајќи на луѓето кои тврдеа дека Туцаковиќ не ги пишувала своите текстови, туку дека ги присвојувала или ги купувала од други.
Па каде се тие луѓе сега? Ете, луѓето можат да бидат толку многу злобни и пакосни, да негираат нечиј исклучителен талент – додаде Цеца, бранејќи ја честа и оставнината на Марина Туцаковиќ и потсетувајќи на нејзиниот голем придонес кон музиката.
Поврзани објави
Таа стои зад најголемите хитови на Цеца
Марина Туцаковиќ има огромна заслуга за успехот на многу хитови на Цеца Ражнатовиќ. Некои од најпознатите песни на пејачката, кои ги освоија срцата на публиката и станаа евергрини, потекнуваат токму од креативната работилница на Марина.
Песните како „Кукавица“, „Београд“, и „Ваздух који дишем“ се само дел од доказите за генијалноста на Марина и нејзината способност да создава лирски бисери.
Соработката меѓу Цеца и Марина доведе до безброј музички успеси и остави неизбришлив белег на музичката сцена.
Фото: Printscreen Instagram
